私家廚房 (已結業)

今日係一班中同難得見面，但係旺角實在比較少餐廳可以俾我地一大班人坐，而且仲要可以傾到計。之後我地係openrice搵到哩間旺角私房菜，諗住樓上舖應該安靜而且舒服啲～於是就揀jor哩間做gathering。一上到去我地有獨立房間做，仲有電視bar台，環境幾舒服，最重要係唔逼而且仲可以同一班好耐無見既中同敘舊！♥️其實佢啲菜都幾多款，酒樓常見既哩到都有，仲有啲菜式係偏大排檔啲款式～我地主食嗌jor一條雜菌炆魚、一隻蔥油雞、粉絲牛肉煲、炒通菜（得意既係佢有年糕相伴）、荷葉蒸飯（佢啲🦐都係highlight黎），小食就嗌jor 涼拌4款、一口炸豆腐（哩個正）、炸魚皮（哩個不得了，有鹹蛋味😍好好食）我最欣賞係個炸豆腐，狂食好多件；除此之外，荷葉飯好香口。我地總共8個菜，都幾完滿。不過佢份量大得驚人！亦好彩我地有男同學可以食多啲～隨餐我地都有嗌薏米水去下濕。一班老同學見面難得搵到一間環境舒適既餐廳，最緊要係可以有獨立環境傾到計，哩個真係係旺角鬧市中最難能可貴亦係最難搵。下次再有多人聚會都一定會黎，因為味道比酒樓好，環境比酒樓好，而且都比酒樓乾淨😂