La Rosabelle Bar & Grill

營業中

休息中

有消費卷就緊係入東涌outlet買吓嘢。據聞附近有間好chill的餐廳，一於去試吓。餐廳位於喜來登酒店地下，由東涌地鐵站穿過公園行過去約15分鐘，但我們一袋二袋，決定坐的士，$21，5分鐘即到。餐廳面積頗大，空間感十足，裝修華麗，員工雖不懂中文，但十分有禮。兩點後仍有午餐供應，價錢由$108-228，共12款菜式選擇，全都配餐湯/沙律及飲品。份量十足，性價比相當高。是日餐湯是忌廉南瓜湯，香甜順滑，非常好飲。碳燒豬仔骨不是腍到骨肉分離那種，反而是有口感又惹味，一於不顧儀態用手拿來吃吧。配菜是橄欖油黑醋沙律和薯條，都新鮮好味道。法式青口鍋大大煲，青口肥美不韌，湯汁有蕃茄和羅勒葉，鮮甜帶少少酸，好清新。配菜的薯條又係好大份，薯條蘸青口湯汁，比蘸蕃茄醬更好吃，忍唔住全部食晒。當下決定走時唔好坐的士，要行返去先得了。餐廳坐得舒服，有遠離鬧市的放假感覺，而食物好吃，價格合理，值得再去。