LLB Bistro (已結業)

約咗朋友去上環文娛中心睇 drama, 所以 openrice 睇吓有咩餐廳， 呢間行落去好快，容易預時間，可以 openrice book 枱，食評幾好所以試吓。我唔太肚餓所以叫咗個三文魚加支啤酒，個汁非常得！朋友叫咗個 dinner set 牛扒主菜，佢都好滿意，我覺得環境好舒服，適合約朋友，食物質素好！服務係令人好舒服唔會隨便打擾但係有需要又幫到你果種！門口有兩張枱，望住街景飲返杯都幾寫意！佢個 drink menu 好多選擇，尤其手工啤，而我淨係影咗支啤酒！