合一咖啡屋餐廳 (已結業)

合一咖啡屋餐廳係一間由天主教徒同基督教徒合辦既餐廳，鼓吹基督徒係主內合一與共融、彼此建立同見證主愛。餐廳有好幾間分店，佢地既佈置上都花了不少心思，令到食客係享用優質美食既同時，都能感受到來自主耶穌基督所賜予既寧靜同平安。2個人無book 位, 星期六下午4點左右黎到，職員安排我地坐近門口既位置，呢到環境好寧靜，入座率偏低，感覺好舒服，很適合情好友傾計既地方。坐低之後就見到牆上掛左好多唔同帶有意思既聖經金句我地叫左個2人TEA SET，包2杯花茶，但係可以選擇加12蚊轉咖啡。我地叫左一杯花茶，一杯香橙朱古力咖啡，杯咖啡仲有埋拉花，好靚之餘仲唔太甜，值得推介。Tea set 有好多野食，包括曲奇餅，炸蝦，三文治，三文魚，蛋糕，同埋焦糖燉蛋，味道雖然無酒店級水準，但係都相當唔錯，仲要可以坐到成2個鐘，係佐敦呢區真係比較難搵架啦。