火薈中日火鍋

營業中

休息中

今日行到花園街附近，見到附近環境好靜，居然有間火鍋店門面好似幾高級就同朋友上去試吓先，上到去見貼滿明星相，但內裏好似冇乜客但都已行左上來，食過唔好食最多冇下次睇地方都幾大，環境幾寧靜，適合一路食一路傾，如果想多d私穩可以坐入房，因見到可能係食店d朋友或熟客都係坐晒入房。我哋叫左個：海龍皇濃湯鍋、極上本地手切鮮牛肉、手打四寶丸、雙拼餃、鹿兒島黑毛豬、即炸響鈴、皇帝菜和萵荀件。另外，係未有得食火鍋前叫左兩個送酒小食醫吓肚，呢兩個係：酥炸黑松露餃和老友鬼鬼。酥炸黑松露餃：熱辣辣好脆，但黑松露味唔夠濃老友鬼鬼：炸得好脆蝦膠好彈牙海龍皇濃湯鍋：湯底有（大肉蟹、海蝦、大蜆、火箭魷魚）加埋雜菇和蕃茄濃湯一齊，個味道係幾好但覺得呢個價錢，海鮮既份量就唔係幾夠極上本地手切鮮牛肉：鮮牛肉味道係唔同d，牛味特別濃d手打四寶丸：蝦、豬、牛、墨魚四款，入口都幾爽口彈牙雙拼餃：我哋選左雲吞和韮菜，大大隻餡料十足鹿兒島黑毛豬：口感嫩滑，豬味濃即炸響鈴：新鮮即炸，薄而脆，冇油膉味食完呢餐我覺得環境適合大家靜靜地詳談，因為坐左好耐都冇乜客，可能地點偏辟d，另外覺得食物味道可以，不過有d食物價錢和分量就好似少d。