影片
更多
2022-01-12
255 瀏覽
話說屋企附近最近開咗UNY，而開設喺UNY入邊嘅呢間韓式餐廳原來喺K11 Musea都有分店，未食過呢間嘅我上星期日終於去咗試啦☺️🥣韓式鮑魚粥 $68隨粥附送三粒醃製過嘅鵪鶉蛋同埋唔算好辣但好味嘅泡菜🌶講返個粥，佢嘅濃稠程度香港人會鍾意，因為都幾綿，無印象中我喺韓國食過嘅粥咁杰。另外唔好睇佢無咩料到咁，其實食落都有唔少鮑魚粒喺入邊，幾款食物之中最推介呢個粥比大家👍🏻👍🏻🥩韓式炭烤牛豬肉蓋飯 $78隨飯附送一碗昆布湯同埋泡菜！隻蛋唔會煎得好生，其實都係好事🤣用啲蛋白同蛋黃碎，加埋啲辣辣哋、好惹味嘅牛肉同豬肉撈飯，絕對會令你不自覺地食多幾啖飯😋🫓泡菜煎餅 $38呢個煎餅唔算好辣😚入邊啲香蔥、洋蔥同埋泡菜都好足料，食落唔會好粉；啲邊邊位仲要幾香脆嘅添！如果可以少啲油就更加Perfect啦😆🍢炸雞年糕串 $32食全盤炸雞又好似太熱氣，食呢個少少哋嘅炸雞年糕串就啱晒啦👏🏻第一次食炸年糕，無平時食嘅年糕咁彈牙，比較硬身，但都幾特別；炸雞粒就有啲似咕嚕肉，值得一讚嘅係佢唔會好油膩🤗
話說屋企附近最近開咗UNY，而開設喺UNY入邊嘅呢間韓式餐廳原來喺K11 Musea都有分店，未食過呢間嘅我上星期日終於去咗試啦☺️
🥣韓式鮑魚粥 $68
隨粥附送三粒醃製過嘅鵪鶉蛋同埋唔算好辣但好味嘅泡菜🌶講返個粥，佢嘅濃稠程度香港人會鍾意，因為都幾綿，無印象中我喺韓國食過嘅粥咁杰。另外唔好睇佢無咩料到咁，其實食落都有唔少鮑魚粒喺入邊，幾款食物之中最推介呢個粥比大家👍🏻👍🏻
🥩韓式炭烤牛豬肉蓋飯 $78
隨飯附送一碗昆布湯同埋泡菜！隻蛋唔會煎得好生，其實都係好事🤣用啲蛋白同蛋黃碎，加埋啲辣辣哋、好惹味嘅牛肉同豬肉撈飯，絕對會令你不自覺地食多幾啖飯😋
🫓泡菜煎餅 $38
呢個煎餅唔算好辣😚入邊啲香蔥、洋蔥同埋泡菜都好足料，食落唔會好粉；啲邊邊位仲要幾香脆嘅添！如果可以少啲油就更加Perfect啦😆
🍢炸雞年糕串 $32
食全盤炸雞又好似太熱氣，食呢個少少哋嘅炸雞年糕串就啱晒啦👏🏻第一次食炸年糕，無平時食嘅年糕咁彈牙，比較硬身，但都幾特別；炸雞粒就有啲似咕嚕肉，值得一讚嘅係佢唔會好油膩🤗
張貼
