Tai O Lookout

營業中

休息中

因為係平日入大澳，所以好多小食店都冇開，行下行下唔經唔覺就嚟到大澳文物酒店，即係活化咗既舊警處。我地參觀完之後見到上面既餐廳好靚，就入咗去食。餐廳環境一流，採用玻璃屋頂設計，感覺同周圍既自然環境融為一體。店員安排我地坐窗邊位，可以睇到海景，加上食客唔多，喺度一邊食野一邊傾計真係好舒服。因為大家都唔太肚餓，所以揀咗比較有特色既蝦醬雞翼同埋紫貝天葵芝士餅。蝦醬雞翼既醬汁係混合咗沙律醬同蝦醬，所以食落有淡淡既蝦醬味，用嚟點沙律都唔會有違和感。至於雞翼就本身醃過，有少少鹹味，所以同蝦醬好夾。至於紫貝天葵，佢本身味道酸酸地，有d似山楂。不過因為佢好快上，而我地係食完雞翼至食佢，所以食既時候個餅底好林，下次要同店員講遲d先上。