首首.韓式小館 (已結業)

見朋友喺網上放咗灣仔利東街嘅相，今晚就約咗朋友去嗰度睇下，呢條街成日都有唔同嘅主題，夠曬特別，加上我同朋友都係附近返工，去呢度食飯就夠晒方便。今晚我哋就去咗Bistro Seoul，呢間食店都幾大下，加上可能係平日晚上，都唔係太多人，唔使等位。我哋叫咗自家制韓式煎蝦餅，好香口;牛肉餅配蜜糖醬油汁，個牛肉餅同蜜糖好夾，吾會太甜，但都夠晒飽肚；甜品當然吾少得，雲呢拿雪糕伴合桃糖，雪糕好味，合桃夠晒脆又幾好食喎！呢度環境就夠晒舒服，又有卡位坐，同朋友食住傾吓計坐咗幾粒鐘👍