熊亭新和風駅 (已結業)

諗住搵間環境好D，可以同朋友一路食一路傾偈。原來座位之間好逼，而且lunch time勁多人，想靜靜地就比較難。我要了星期四定食，有咖哩豬扒飯、三件加州卷、幾件刺身、蒸蛋、木瓜沙律、麵豉湯及兩片橙，份量唔少，70幾蚊都算抵。咖哩豬扒飯-咖哩汁是另上，唔夠熟；豬扒有點根、亦唔夠熱、但炸得幾脆；加州卷-壽司飯唔夠軟熟、煙韌，我覺得元氣比他還要好。刺身有三文魚、北寄貝同甜蝦，新鮮程度尚可，魚生起碼唔會有根。朋友要了照燒牛扒定食，薄牛扒燒得生熟剛好，半生熟好我，好有肉汁。食日本定食在中環來講價值尚可接受，不過質數一般。