裕滿人家 (已結業)

我同之前一位網友一樣，都係一張相都無影過，因為食到一肚氣！成間酒樓由等攞位、叫餸等過程都混亂不堪，服務態度差，侍應叫極都唔郁。最記得淨係叫幾個白飯都等左半個鐘有多，其間曾搵過部長、兩個不同侍應跟進，都係一去無回頭，攪到D 餸凍晒都無飯黎。節日前上菜慢D 都預左，不過自己做錯嘢都可以同D 客講句"唔好意思"，表面功夫都做下，但成晚由侍應比錯位、落錯單、漏單、上菜時間慢都一律唔會有人理你，仲要比面色你睇，真係食龍肉都無味！成個酒樓唯一可取真係個環境裝修夠靚，食物質素唔差，但由於服務實在太差，所以點都彌補唔到！以後唔會再去！奉勸大家一句：想食"氣"的話，不妨一試！