La Pearl (已結業)

呢間餐廳一直覺得係貴價餐廳，因為佢同鄰近既Jacxxx kitxxxx相比裝修更有情調更舒適，今日約咗朋友去試下同慶祝生日，但食物質素有待改進。食物： 想要龍蝦湯但無得叫，想要生蠔又無得叫，好似淨係可以揀套餐無其他野揀。味道： 個湯幾好但蒜蓉多士啲醬好油而且甜甜地； 個扒好一般，啲肉唔實好似加咗鬆肉粉咁而且個芥辣完全無味好奇怪；甜品無乜特別，擺得靚但好一般。食物係擺得幾靚，得食物質素更重要。意見：果個位平時的確係靜啲，推出平價套餐吸引人係可以，但質素高既野都應該要留番以防人地會叫，就算無其實都可以即刻問格里餐廳借或幫佢哋買，只要客人願意比就可以，無生蠔真係有啲可惜。服務：幾好，個個都好有禮貌。舒適： 幾好，靜靜地傾偈岩晒，亦夠晒情調。價錢：呢個裝修同環境收得太平，但呢個食物質素根本唔洗呢種裝修，門面咁靚入嚟既客要求自然高，想食平野既就咁望個裝修都唔會入嚟。