下江南

營業中

休息中

係西九附近返工，見呢間餐廳環境正，有大玻璃窗同靚海景，於是就拉埋個同事黎食個晚餐。龍井茶擺蓋精緻，配埋窗外既無敵大海景，好有放假旅行cafe shop既感覺。個杯好靚，望下個底，係意大利製造。棗泥麻餅外層鋪滿芝麻，幾香口。裡面既棗泥少甜，夠乾爽，食成舊都唔膩。蟠枝瑞實外型成個壽桃包，大大個。入面既料係豬肉，類似叉燒包，但無咁甜，幾岩唔鐘意食甜野既我地。小籠包個皮既厚度適中，唔會太薄，搞到好易夾爛。充滿肉汁，脹卜卜，肉汁夠鮮甜。鹽水鴨+如意菜鴨肉質夠新鮮，唔老。如意菜咩都有d，涼涼地，無過重既調味。青荀蔥椒丸子麵丸子類似獅子頭走汁既健康版，肉唔會太散。個湯好青，唔油。麵就偏粗，浸得耐少少都無話好淋。