Coco Thai (已結業)

之前夜晚搾車經過見到好靚,諗住一定要試下,點知今日都幾失望,除了個招牌夜晚開燈好吸引外,其他都麻麻。我叫左好少野,首先係炸蝦餅,$80得3件都算貴,諗住你人手打啦,點知拎到唻外表一流,內裡九流,唔新鮮,無味,入面鬆拋拋,去百佳買雪藏好食過佢。跟住叫左個菠蘿炒飯,好彩個味唔太差。我而叫左兩杯飲品,個外表仲衰過踩單車時街邊呀婆o個o的,一杯係 fruitpunch, 個味就ok,但一粒生果都無就真係弱d;另一杯係 banana & coconut mikeshake, 雖然係新鮮打出唻,但真係太淡,麻麻地。