緣聚西日餐廳 (仁愛堂圍) (已結業)

晚市放題時間分三段：17:00-19:00，19:00-21:00，21:00-23:00。我今次就食中間果段時間。環境氣氛好好！好型，好有特色，有好似英雄角式公仔，d燈全部用酒樽，我覺得好靚😂飲品種類選擇好多，連朱古力奶都有😂食物種類就比較少，有火鍋都補番d既，如要upgrade 就有生蠔個d食（好似係加$168）。甜品方面都算多款式選擇，有雪花冰😂，不過紅棗冰糖燕窩一開次食個陣食左一樽，之後無晒，到最後走都無refill😭不過勝左用平板電腦落單，無漏單情況。所有野都幾好食～以依個價錢响新界黎講算係唔錯～雖然枱有d細，但員工收野都收得好快。