影片
更多
2023-07-27
117 瀏覽
呢日去左西環行街，天氣好靚，原本諗住行上山頂，不過朋友又話好攰，所以都係周圍行下hea下就算，跟住就上網睇見呢間餐廳，見好有情調，而且評價幾好，所以就決定同朋友黎試一試，餐廳門面裝修好靚，有個花園仔，另外亦都有樓上嘅位置，我地就坐樓上嘅位置，餐廳環境暗得黎又唔會太黑，餐牌選擇唔算多不過款款都好吸引。餐前小食係鹹蛋粟米片，呢個配搭幾新鮮，鹹蛋滋味，作為前菜都幾開胃。炸西蘭花苗配蓮藕片，配櫻花甜酸醬（＄88）：一向都好鍾意食蓮藕，呢個炸蓮藕片切得很薄，炸得非常脆口，好似食緊薯片一樣，非常吸引，另外炸西蘭花都很爽脆，亦帶有咸香味，兩款都很配櫻花甜酸醬，醬汁比較濃味。慢煮西班牙豬肋骨（＄228）：因為我地得兩個人，所以叫左半份，半份都有六條骨，豬肋條燒得很香口，而且豬味濃郁，而且亦有用蜜汁去燒，更加滋味，而且肉質很柔軟。帶子桂花卡邦尼（＄148）：呢款原本係大蝦，不過就轉了帶子，雖然係喺兒童套餐入邊，不過其實佢個份量都唔少，兩個人食啱啱好，帶子有三粒大大粒，而且煎得非常香口，帶子煎得熟度剛好，第一次吃帶有桂花味嘅卡邦尼，桂花帶有微微甜的香氣，而且卡邦尼係配送烏冬，都好creamy，而且烏冬都幾
餐前小食係鹹蛋粟米片，呢個配搭幾新鮮，鹹蛋滋味，作為前菜都幾開胃。
炸西蘭花苗配蓮藕片，配櫻花甜酸醬（＄88）：
一向都好鍾意食蓮藕，呢個炸蓮藕片切得很薄，炸得非常脆口，好似食緊薯片一樣，非常吸引，另外炸西蘭花都很爽脆，亦帶有咸香味，兩款都很配櫻花甜酸醬，醬汁比較濃味。
慢煮西班牙豬肋骨（＄228）：
因為我地得兩個人，所以叫左半份，半份都有六條骨，豬肋條燒得很香口，而且豬味濃郁，而且亦有用蜜汁去燒，更加滋味，而且肉質很柔軟。
帶子桂花卡邦尼（＄148）：
呢款原本係大蝦，不過就轉了帶子，雖然係喺兒童套餐入邊，不過其實佢個份量都唔少，兩個人食啱啱好，帶子有三粒大大粒，而且煎得非常香口，帶子煎得熟度剛好，第一次吃帶有桂花味嘅卡邦尼，桂花帶有微微甜的香氣，而且卡邦尼係配送烏冬，都好creamy，而且烏冬都幾煙韌，呢個配搭好新鮮。
呢度咁好環境，所以我點左一杯酒，平常諗唔到飲咩酒，我都會點Vodak Lime（＄78），鍾意佢夠清新，我地點左好多濃味嘅菜，清新嘅Vodak Lime同呢餐亦都好夾。
張貼
