影片
更多
2013-08-05
508 瀏覽
想食西餐，就去左哩間天后既西餐廳。入到去環境暗暗地，佈置都有D復古味道，檯頭放左盞洋蠋，都真係幾浪漫講番食物先~~店員會教你由邊隻開始順時針咁食，咁就可以由淡到濃去試齊唔同地方既生蠔。我唔太識食，但都食到唔同地方既蠔無論肥美程度、海水味等都有分別，都值得一試既！然後到湯，「龍蝦湯」夠杰身，又唔會太咸；「洋蔥湯」入面仲有一塊塊煮淋哂既洋蔥，都好鮮甜！到主菜喇，「香草羊鞍」要左medium，都好彩無overcook，煮得夠淋，香草都好入味，但就唔夠騷；「蟹肉risotto」就麻麻地，雖然煮得幾正宗（真係起骨架），但就好淡，我直頭要問waitress攞芝士粉加落去先叫有D味，亦唔係好覺有蟹肉喺入面，亦都幾細兜，食完好件食左陣風咁。最後食甜品，tiramisu會比杯咖啡酒你加落去食，可惜我唔鐘意陣酒味，唔識欣賞；「心太軟」就好正，面頭焗到脆身，一開入面D朱古力湧哂出黎，同埋食得出D朱古力醬係靚野，勁香可可味，唔得得個死甜！完滿既一餐，overall都幾好，但貴左D，要>$900，可能位處天后，租金貴啦！
入到去環境暗暗地，佈置都有D復古味道，檯頭放左盞洋蠋，都真係幾浪漫
講番食物先~~
店員會教你由邊隻開始順時針咁食，咁就可以由淡到濃去試齊唔同地方既生蠔。我唔太識食，但都食到唔同地方既蠔無論肥美程度、海水味等都有分別，都值得一試既！
然後到湯，「龍蝦湯」夠杰身，又唔會太咸；「洋蔥湯」入面仲有一塊塊煮淋哂既洋蔥，都好鮮甜！
到主菜喇，「香草羊鞍」要左medium，都好彩無overcook，煮得夠淋，香草都好入味，但就唔夠騷；「蟹肉risotto」就麻麻地，雖然煮得幾正宗（真係起骨架），但就好淡，我直頭要問waitress攞芝士粉加落去先叫有D味，亦唔係好覺有蟹肉喺入面，亦都幾細兜，食完好件食左陣風咁。
最後食甜品，tiramisu會比杯咖啡酒你加落去食，可惜我唔鐘意陣酒味，唔識欣賞；「心太軟」就好正，面頭焗到脆身，一開入面D朱古力湧哂出黎，同埋食得出D朱古力醬係靚野，勁香可可味，唔得得個死甜！完滿既一餐，overall都幾好，但貴左D，要>$900，可能位處天后，租金貴啦！
張貼
