Season Plus (已結業)

嚟到呢間喺上環西街嘅手蠔吧season plus梗係要食蠔，佢哋做緊優惠買任何一枝紅白酒都可以用優惠價50蚊品嘗到一打精選生蠔又式者半打美國中碼生蠔。我哋呢次就叫左枝由熱情侍應所推介嘅花香味濃嚟自南非嘅Rhanleigh Sauviguon Blanc 。生蠔新鮮，海水味好重，肉質飽滿，而一路飲住酒食，味道會截然不同，而呢隻白酒味道香甜，較易入口，用嚟配海鮮就最適合，更能突出其鮮味。煙三文魚沙律：清新清爽嘅沙律菜同軟稔口感嘅煙三文魚，配合埋酸甜適中嘅黑醋沙律汁，呢個配搭好啱依家開始悶熱嘅天氣食。芝士牛油焗日本元貝：元貝size大隻，肉厚飽滿，用芝士牛油焗就最啱。白酒煮馬尼拉蜆：馬尼拉蜆蜆身較細，但勝在更鮮更甜，加埋用白酒煮更能突出其鮮甜味，仲添加左陣陣白酒嘅清香。三成熟嘅美國安格斯肉眼：用天然嘅牛油面層最清嘅油來煎，下香草以油浸式煎封，使油香滲入肉裡，牛扒略帶血色，外皮呈焦黃，切開後周圍嫩粉，中間則呈亮紅色，牛味濃郁，油香滿溢，肉質稔滑，加埋伴碟嘅即炸薯角同埋黑醋沙律就完美。