本延鍋物

營業中

休息中

打邊爐最鍾意就係食壽喜燒湯底，尤其是係有日本生雞蛋可以沾嘅呢種正宗嘅日本壽喜燒。呢度除咗有散叫之外，都已經有幾款reset好嘅套餐。套餐全部都包咗前菜（柚子蟹柳沙律） ，野菜拼盤同埋白飯。幫我打邊爐比較鍾意食烏冬，所以將白飯改成做烏冬。首先第一款牛嗌咗極上A4黑毛和牛，呢款牛有好重嘅牛奶味，食落去軟滑而且奶香味重，加埋蛋食一流！另一款就嗌咗更加高級嘅A5黑毛和牛肉眼，呢款牛一睇落就知個花紋好靚，就算自己係超級市場買應該都唔平，呢款嘅牛牛香味好重，食落去超級滿足。配埋嘅椰菜拼盤材料都好多，將所有菜同埋菇放落湯煮之後超級好味。另一個主角一定係烏冬，將烏冬略略煮1分鐘之後，再加啲湯底一齊食，超級正！整體而言，呢度嘅環境舒適，而且服務都好好，好適合打個邊爐，聚會傾偈。