影片
更多
2019-11-21
2117 瀏覽
對上一次幫襯已經係三年前，三年後嘅今日食物環境質素依然維持高水準！今次我哋揀嘅係$788一位嘅私房菜式menu。頭盤-梓桐花園拼盤呢個拼盤餸上嚟嘅時候真係好靚，有啲加咗水嘅乾冰所以成件事係好似藝術品咁，有啲白色嘅煙飄喺面食物就若隱若現咁出現係你眼前，好吸睛正影相打卡一流😝🙌🏻 可惜我影相慢咗，啲煙已經冇乜啦🙈順時針方向右上角起：1. 金箔醉鮑魚呢一樣係頭盤五樣嘢裏邊我最鍾意嘅一樣，佢用咗好香醇嘅花雕酒浸鮑魚，鮑魚非常入味，而且一啲都唔老肉質非常鮮嫩，再加埋塊靚靚嘅金泊喺面真係好搶眼😍2.法國鵝肝脆豆腐鵝肝煎得好香外脆內軟，炸豆腐不過不失好滑有豆香味，兩者加埋一齊嘅配搭好夾👍🏻3. 石榴絲蚌片爽脆鮮甜嘅石榴絲撈埋彈牙嘅蚌片，再淋上好香嘅自制麻醬，非常開胃呀！😊4. 酥炸海蝦酸牛油果醬一咬落去就知道海蝦係新鮮嘅海蝦!不過略嫌炸粉厚左少少，如果可以好似天婦羅嗰隻炸粉口感會更加鬆化。牛油果醬都係自家製，幾唔錯😜5. 火焰燒帶子沙律杯雖然呢樣擺喺中間，但係我覺得反而係最普通嘅。一件新鮮嘅帶子刺身上邊加咗少少海膽再火炙燒一燒，而係個底嘅就係沙律菜加咗啲果醋，成件事感覺幾清新🤩食完頭盤就到燉湯了-
頭盤-梓桐花園拼盤
呢個拼盤餸上嚟嘅時候真係好靚，有啲加咗水嘅乾冰所以成件事係好似藝術品咁，有啲白色嘅煙飄喺面食物就若隱若現咁出現係你眼前，好吸睛正影相打卡一流😝🙌🏻 可惜我影相慢咗，啲煙已經冇乜啦🙈
順時針方向右上角起：
1. 金箔醉鮑魚
呢一樣係頭盤五樣嘢裏邊我最鍾意嘅一樣，佢用咗好香醇嘅花雕酒浸鮑魚，鮑魚非常入味，而且一啲都唔老肉質非常鮮嫩，再加埋塊靚靚嘅金泊喺面真係好搶眼😍
2.法國鵝肝脆豆腐
鵝肝煎得好香外脆內軟，炸豆腐不過不失好滑有豆香味，兩者加埋一齊嘅配搭好夾👍🏻
3. 石榴絲蚌片
爽脆鮮甜嘅石榴絲撈埋彈牙嘅蚌片，再淋上好香嘅自制麻醬，非常開胃呀！😊
4. 酥炸海蝦酸牛油果醬
一咬落去就知道海蝦係新鮮嘅海蝦!不過略嫌炸粉厚左少少，如果可以好似天婦羅嗰隻炸粉口感會更加鬆化。牛油果醬都係自家製，幾唔錯😜
5. 火焰燒帶子沙律杯
雖然呢樣擺喺中間，但係我覺得反而係最普通嘅。一件新鮮嘅帶子刺身上邊加咗少少海膽再火炙燒一燒，而係個底嘅就係沙律菜加咗啲果醋，成件事感覺幾清新🤩
食完頭盤就到燉湯了- 杏汁花膠燉三寶 🍲
一睇就知呢個湯非常足料，佢所指嘅三寶就係元貝、金華火腿、冬菇。除此之外仲有雞同埋花膠。個湯好鮮甜好香，湯料嘅精華煲晒出嚟，而且佢嘅杏汁亦都係非常之多好好味。食完頭盤，飲完碗湯已經飽咗七成😝🙈
之後終於到主菜啦！
首先嚟嘅係 - 黑松露木瓜炒龍蝦🦐（半隻）
要讚嘅係龍蝦係新鮮嘅波士頓龍蝦，原隻起晒啲肉出嚟切開再用黑松露醬炒，平時食龍蝦都係上湯或者芝士焗，今次可以話係新嘗試，黑松露嘅香味會蓋過龍蝦本身嘅鮮味，成個配搭升華晒，由於隻龍蝦用料上盛，個蝦頭亦都係爆曬膏嘅👍🏻
之後嚟嘅係 - 蒜子蒸石斑🐟
我會話呢道菜其實係炒石斑，比較特別嘅係佢用咗黑蒜，大家都知黑蒜係功效好高嘅一種食物鍾意食嘅人會好鍾意，我自己就一般啦😛🙈食到第二個主菜其實已經好飽😂
第三同第四道菜係一齊上嘅 -
薑汁扒菜苗、廣島蠔荷葉炒飯😋
個豆苗炒得好出色，用咗好嫩嘅豆苗口感非常爽滑！荷葉飯非常有驚喜，我由細到大都唔太鍾意荷葉飯但係今日都食晒😝 因為金蠔冇晒所以大廚David就用咗新鮮嘅廣島蠔汁煮後配上荷葉飯。隻蠔好新鮮，蠔味重非常鮮甜濃郁，熟度啱啱好，咬落去仲爆曬汁🤤
荷葉飯食得出廚師嘅心機，我最怕荷葉飯濕爹爹，呢個荷葉飯每粒飯都炒得乾身分明啱啱好，在用荷葉包住蒸焗，荷葉嘅飄香徹底滲透哂入每一粒飯度，係真正嘅色香味俱全😍😍😍
最後到甜品，甜品相對頭盤同埋主菜就冇佢哋咁出色啦不過都合格啦。😝
張貼
