Tai O Lookout

營業中

休息中

大澳文物酒店入面有間玻璃屋造型嘅餐廳，lookout 造型相當有格調，本以為用玻璃嘅設計可以飽覽海天一色同山景，但原來只有最貼近海邊嘅幾枱先望到個海。其餘會被一米嘅墻擋住，坐低只可遠眺望到個天，有啲失望。下午茶價錢都係一百頭有一個set 連嘢飲，價錢以酒店價格唔算貴，但整體食物質素非常一般。公司三文治，配料豐富仲配搭薯條，非常飽肚，係咁多set 之中較抵嗌。炸魚薯條有4舊炸魚，份量算慷慨。魚柳香脆入面唔乾。沙嗲雞串有6串，但每串份量唔多，串燒偏乾，沙嗲醬份量偏少。大澳炒飯飯粒炒到粒粒分明，但除咗份量少之外，仲炒到好乾，而且仲有蝦乾，真係又乾又硬。