百味村

營業中

休息中

呢到可以望到海景，價錢唔太貴，仲要有好多菜式揀，野食又好味，服務唔錯嘅地方。地方大同寬落，如果想坐望到海景嘅座位，就要早少少黎，今次平日七點去到已經無哂。呢到仲有得玩足球機同飛鏢，間唔中仲會有Living Brand 同睇波活動。而呢到最特別係用佢個App落單比錢，之後，就會有人送食物黎，唔洗自己走黎走去，係電話就已經可以睇哂有咩食，仲有哂圖，上菜速度快，十分鐘左右就到齊哂。韓式輕食 - 甜酸雞塊 (小) $48 分量多，有成九舊雞塊，炸到好脆唔厚粉，雞肉又唔乾唔鞋，以Food Court黎講超水準，炸雞配韓式甜酸醬係絕配，咁嘅價錢真係好抵食。Sen of Japan - 超級豬骨湯拉麵 $68個湯有種獨特味道，同一般豬骨湯好唔同，而且，塊叉燒肉質屬於實淨，唔係軟身個種，同我所想嘅好唔同。NAAN - Lamb Kebab Naan $88好多芝士，仲要做到拉絲效果，羊肉騷味唔算好強，反而串燒味比較出，而pizza邊位脆，底部煙韌。提外話，去當晚天氣好凍，竟然，去洗手間洗手時，係出暖水，太窩心啦。