La Terrazza Bar & Grill (已結業)

最近返工生活好疲累，放工要去間環境好啲，可以方便傾計嘅餐廳Chill下，朋友揀左位於沙田婚姻註冊處樓上嘅西式茶座見面。首先地理環境上已經係比一般餐廳有多啲私隱，無咁多人流，加上可以有戶外位置揀，傾計可以傾得放少少，唔使咁多顧忌。蘑菇餐湯味道唔錯，菇菌味重，但略為有少少稀。麵包我鍾意配蘑菇湯食，蘸住食都有好香嘅菇味😚香煎三文魚腩紅花義大利飯🤤🤤 三文魚腩好大舊，表面煎得好香，而內裡仲係好嫩滑👍🏻 唔好睇個份量好似唔多咁，但食完真係會超飽：）超滿足！加上環境好適合放鬆傾計，唔怕俾人趕走要叫檯👏🏻👏🏻