One Little Room (已搬遷) 新店位置

下了整整兩個星期雨，難道放假都要留響屋企？心諗不如去睇下書飲下咖啡，即使留響室內都可以有點世藝。不想去太遠，就選了依間近排都幾多人留意、響紅磡的cafe。One Little Room，中文簡單直接譯作壹小店，還果真幾小。店內只有兩張大枱，另外可坐在吧枱前或吧枱對面靠牆的位置，雖然店仔細細但裝修上不難睇出老闆的心思，以書頁為牆紙，絕對係影相位，另外抬頭可以見到以書本為裝飾，而且門口旁邊都放了一個小書櫃，感覺幾精緻。黎到呢度目的係睇書，小說伴咖啡是常識吧，所以我都將著眼點放於咖啡上，點了mocha跟macchiato。然而味道上有點令人失望，mocha拉花靚，但味道略嫌有點淡，當然可能我個人比較重口味，平常飲的都比較濃郁，但呢杯苦味較重，而且飲完口入面會有少少瀝味，我不懂咖啡，但撇除拉花，個人覺得只屬starbucks mass production的質素。至於macchiato呢，小小一杯卻係最容易試出沖得好唔好，而呢一杯味道帶點點酸，而且沒有回甘味，真係麻麻。眼見其他客人大部分都有點窩夫，一路坐都聞到陣陣蛋既香味，或者依度主打係窩夫，但咖啡係有待改善的。