Delite Long Ping Bistro (已結業)

呢日同細妹出完街想係屋企附近食嘢又想坐得舒服啲，之前同朋友食過都覺得唔錯，最後就揀左呢間餐廳。我哋3個人叫左尼泊爾餃子，五花肉，雞翼，海鮮薄pizza 同一份招牌牛肉漢堡。個餃子同五花肉既味道好特別，係平時無食過既味道，餃子味道都接受到，五花肉就幾好食，肉都幾新鮮，醃到好入味，加埋個口感唔大冧，幾岩我口味。海鮮薄pizza 似係急凍海鮮無咩鮮味，不過都好夠芝士。而個牛肉漢堡既牛肉都厚，有好重牛味都夠juicy,不過漢堡包就煎到偏油，不過加埋牛肉一齊食都好食。