Casa Di Luna (已結業)

今日去到呢一間餐廳門口有個大月亮好吸晴，一入到去抬頭見到好多月球，牆上面有個太空人，我哋6:00去到太陽未落山，但入夜後好靚。煎鴨肝配青蘋果黑醋汁鴨肝煎到外脆內軟，法包烘得香脆，沙律新鮮爽口，加上青蘋果黑醋汁中和油膩感。龍蝦湯Creamy，龍蝦味濃郁，入面仲有蝦肉。香煎羊架配牛油薯蓉平時食羊架我鍾意叫五成熟，但店員建議我哋食七成熟，開頭都擔心會唔會太韌，完全無呢個問題，羊架肉嫩多汁，肉味濃，牛油薯蓉好香滑，好味，燒汁同羊架好夾。虎蝦配龍蝦汁意大利麵虎蝦鮮甜爽口彈牙，意大利麵煮得軟硬適中，龍蝦汁同意大利麵完全融為一體。朱古力心太軟一定要食呢個，流心做得非常好，香濃又唔會太甜。