AIRSIDE Cafe

營業中

休息中

尋日中午一行三人去Airside, 唔知食咩好,見呢間cafe環境幾好,便去試下。坐落打開餐牌,都有唔少選擇,三個人分別揀左澳洲鱸魚、燒白羊同蟹肉手捲義麵。個鱸魚焗得香脆,亦加左青檸汁做調味,提昇左魚既鮮味。而且份量同其他餐廳比較亦唔少,以呢個價錢黎講算係合理,除非對魚有敏感或者完全唔食魚,否則呢個餸值得推介。跟住黎既係燒白羊,揀左五成熟,煮得啱啱好,試過有d餐廳揀medium well都可以變左mefium rare😮‍💨。講返碟羊,味道做得唔錯,而係底既配菜亦燒得幾好食,整體黎講係水準之上。至於碟義麵,係三碟之中差既一個,問題唔係味道,而係份量,我相信女士亦未必覺得夠飽。最後埋單八舊水,以午餐黎講唔算平。整體黎講,餐廳既環境、服務同食物都係水準之上,但如果揀既話會係食晚餐會好過食lunch。