White Button Cafe & Dessert (已結業)

朋友去過亞士厘道的White Button Cafe & Dessert，今晚帶我去見識下！地點都算方便，尖東L5出左，直行2分鐘左右就到。我地比較早，未夠7:00，人唔多。但點完野食就開始多人啦。餐廳唔算好大，但燈光柔和，顏色以粉色為主，令人感覺好舒服。食物點左新出推介的波士頓龍蝦汁扁意粉︰賣相真係好特別好有諗頭，竟然將D意粉懸浮在半空，至於係用咩方法，就留待大家食的時候去發掘，留返少少神秘感。波士頓龍蝦開左兩邊，啖啖肉，點埋濃郁的龍蝦汁黎食，份外鮮甜。意粉份量唔少，有洋蔥吊味，軟硬適中。小食點左芝士波波雞，一碟有10粒，炸起熱辣辣即食，雞肉好嫩，芝士流心，雖然係小食，但都好飽肚。千層餅分別點左玫瑰蜜糖千層餅 & 日本紫薯，兩款賣相都好靚,，蜜糖玫瑰好清新，日本紫薯係新口味，唔會太甜，自然。不過如果可以食哂主食先上甜品 KEEP返個冰冰地的感覺會更好。