HABITŪ table (太古城中心) (已結業)

今日同朋友過開來太古城睇戲，於是係時間幾鬆動下揀左依間西餐。我地兩個人叫左3樣野食。第一客係黑松露醬配番薯條同普通炸薯條。如果好鐘意黑松露的朋友們會失望，因為黑松露味非常淡，幾乎冇，點左好似只係令啲番薯條同薯條冇咁乾身，唔點都冇所謂。不過番薯條同薯條都似係即炸，所以都好香口，好脆。第二客係軟殼蟹意大利飯。個飯其實整得幾清，對於岩岩食完炸野的我地非常適合。炸軟殼蟹亦都鬆化。我覺得非常唔錯。第三客係煎厚豬扒。肉味十足，每啖都有肉汁，而個汁有少少甜，夾埋都幾特別。