茶木‧台式休閒餐廳 (已結業)

尖沙咀行完街，同媽，細佬去茶木tea一下。環境地方好寬敞，坐位舒適好坐，可惜有限時。點左溏心蛋肉燥飯，蚵嗲肉碎泡飯，香辣牛肉麵。溏心蛋肉燥飯有唔錯的醬油香，一啖飯一啖肉燥，其他配菜全部都可以不要!!!話雖如此，溏心蛋貨源唔錯好有蛋香。台式牛肉麵都係酸酸地，加少少辣非常開胃。而牛肉係用牛腱，較大件，香，軟，林，而且煮得入味唔會痴牙。而三個之中我最鍾意蚵嗲肉碎泡飯!!蚵仔同肉碎份量十足，泡飯湯非常鮮味!!!而且蚵仔較新鮮，無太腥既味!!好味程度令我飯連湯都食哂落肚。