INN - I’m Not Nothing (已結業)

Weekend過嚟E-max行下街，見到呢間裝修好有復古味道嘅西餐廳，就入咗去試下！佢嘅餐牌好得意，有啲走晒樣嘅Disney人物🤣🤣我哋一人叫咗一個lunch set，佢有配埋餐湯。今日嘅湯係 - 青豆忌廉湯，湯滑有豆味～主菜：蟹棒明太子海膽醬意粉 🦀 🍝 佢嘅伴碟非常精美，意粉入面用上洋蔥、蘑菇、蟹籽等，上面就放咗好多紫菜同埋蟹棒。一食落口嘅時候，就感受到濃濃嘅海膽味、同埋明太子嘅鹹香，配搭埋上面所有嘅配料，洋蔥嘅清新、蘑菇嘅菇香、蟹棒嘅鮮味，口感同味道層次都好豐富。🥰慢煮加拿大保濕豬肉眼配金巴利車厘子醬🐷🍒豬肉眼嘅份量非常大，厚度目測有3、4 cm，非常誇張！！🤤因為佢用咗慢煮，所以入邊嘅肉質好嫩，一咬開嘅時候佢嘅油脂同埋肉汁流晒出嚟，再配上酸酸嘅車厘子醬，中和返佢嘅油分，配搭得好好。下面亦有甘筍、粟米、薯仔等配料，全部都炒香左，係非常出色嘅配菜。🥕🌽🥔Matcha Latte🍵佢嘅抹茶唔會甜膩，令人可以飲到抹茶嘅茶香，又唔會苦澀。 🤓士多啤梨藍莓奶昔🍓🫐🥛奶昔質地唔會好杰，飲到藍莓同士多啤梨嘅果香，同埋淡淡乳酸嘅味道，解膩一流😛呢間餐廳嘅環境坐得舒服，服務態度非常友善，而且食物質