The Roastery X (已結業)

大角咀利奧坊係新樓盤，地舖都有好多新食肆，呢間咖啡店喺附近一個適合同朋友傾偈或者消磨時間嘅好地方。佢有好多咖啡嘅選擇，同埋有brunch 既選擇。雖然我唔飲咖啡，但係都好鍾意呢啲咖啡店嘅環境底下同朋友chill下，所以我叫咗一杯焙茶拿鐵，冇咖啡味，少少澀澀哋嘅茶味，在溝埋latte係唔飲咖啡人嘅幾好選擇。食物一貫徹作風，都係叫all day breakfast，因為乜都有，佢假煙肉唔會煎得太乾，薯餅又啱啱好，賣相又好睇食物又豐富，環境又坐得舒服唔會話好嘈。