麥當勞 (太古城中心)

營業中

休息中

我平時去開嘅麥當勞，店舖位置都比較細同埋少位啲，但係呢間太古城中心嘅麥當勞就比較大間，坐位多好多。今次我揀咗中間位置嘅bar枱坐，原來仲有無線叉電供應，唔錯呀！講返嘢食，個三文治(多士)係火腿扒蛋沙律，麵包烘得好脆，唔錯，但係就覺得蛋沙律應該可以分量多少少，下次試埋磨菇芝士粟米。而個咖啡(今次叫latte)我亦都係好鍾意，堂食係用玻璃杯裝，比起我平時買外賣嘅份量多啲，同埋溫度keep到夠熱👍🏻依家去到六月頭原來用Citibank卡俾錢仲有優惠，買滿$30回贈$5，今次個combo餐$37，所以我最後係俾咗$32，有驚喜！