Hygge (已結業)

今晚收工同媽媽兩人出去撐枱腳去hygge食飯餐廳環境果然好舒適而且價錢又唔算貴都幾啱三五知己一齊去食叫左三文魚沙律三文魚色澤鮮豔 食落都好新鮮蕃茄仔幾多汁下面既沙律菜用黑醋搭配食完好開胃之後有餐包烘得暖暖地 牛油又夠香餐湯係蕃茄濃湯裡面有菇、肉等等多種材料真材實料飲完已經開始飽主菜要左西班牙式脆皮乳豬好大碟份量都幾多第一次食唔係中式既乳豬乳豬皮香脆得黎又唔會燶裡面既肉好嫩滑又唔會太油膩食落都幾juicy旁邊酸酸甜甜既椰菜都幾清新甜品有earl grey panna cotta食落好香濃既伯爵茶味但又食得出奶既香味兩者相輔相成好滿足了