Oggi (已結業)

早幾日朋友話食西餐，之後就係openrice搵下，搵到天后有一間西餐好似唔錯，就打去book 去左試。可能因為平日既關係，入到去都唔係好full，個環境都唔錯，坐得幾舒服。我地叫左兩個set，一個係龍蝦risotto set, 一個係安格斯牛扒set。頭盤係海膽，個海膽都幾甜，之後就湯。個龍蝦湯好味同濃；磨菇湯就好香，兩個湯都好唔錯。之後就到主菜，龍蝦risotto 都幾入味，龍蝦雖然細細隻咁，但係都幾有肉。至於牛扒都煎得幾香，加埋D芥末醬食都唔錯。其實佢仲有餐飲同甜品，不過我就無影了。