鮨樂 (MOSTown新港城中心(4期))

營業中

休息中

樓下開左間新嘅日本野，兩個人就衝入去試下味。首先叫左我去日本餐廳必點嘅炙燒魚背，都幾香口，軟林林幾好味。帆立貝好大舊，幾新鮮亦比較爽口。另外有叫三文魚腩，我覺得正正常常啦。但要講一講個炙燒原條星鰻，又香口又暖笠笠，我估我最鍾意食係呢樣，食完好滿足！啲軍艦係最特別，碟碟都多到爆落隻碟到。三文魚子好大粒好脆，冇乜腥味（本人比較鍾意食腥味重嘅）。個葱粒碎吞拿魚撈左啲醃蘿蔔入去，係特別嘅，但似乎有啲蓋住左吞拿魚本身嘅味道？個蟹肉蟹膏軍艦啲蟹膏太少，亦都感覺比較乾，帶吾出啲香濃嘅蟹膏味，不過啲蟹肉都有味嘅，ok 啦。成間野啲飯都比較細，包括個鰻魚丼飯都係好細份，所以要食飽真係需要叫多幾份壽司😂 我覺得個蟹子沙律幾新鮮嘅。整體黎講我覺得傾計係幾舒服，仲有卡位坐，私隱度比較高，如果想約朋友慢慢食同傾下計都幾好。不過價錢偏貴，兩個女仔食左860幾蚊，性價比偏低。