段純貞牛肉麵 (Tower 535) (已結業)

講起牛肉麵，當然少了不臺灣過江龍段純貞。行街經過，就入來品嚐下耳聞多時嘅獨門二十三香😆。想試最正宗嘅味道，所以首先order咗碗原味牛肉麵🍜(HKD84)，可以選手工麵或者幼麵。牛肉🥩花紋狀油脂分佈均勻，肉香醇厚，湯汁濃郁，藥材味出但系唔會搶味，唔會死鹹，麵同個湯好夾，有層次👍🏻。青花椒香手撕雞乾拌麵(HKD78)花生味濃，最欣賞系個溏心蛋真系好好味。手工麵煙韌有嚼勁，雖然配搭咗拌麵但系我諗如果配湯麵口感會更佳。食臺灣野當然不少得鹽酥雞(HKD48)，大大舊，啖啖肉，外層炸得香脆，內裡雞肉鮮嫩，一個人食嫌多，兩個人分享剛剛好👍🏻。食食下有d乾，配杯荔枝乳酸飲(HKD28)，一鹹一酸，一冷一熱，味蕾的刺激。店內乾淨企理，裝修雅緻，檯與檯之間有距離，人少時可以坐卡位更舒服。