WM Café & Bar (科學園) (已搬遷) 新店位置

今日去大學搵朋友，朋友話大學站啲嘢食到好悶，所以就去咗科學園搵嘢食，見呢間食西餐嘅舖頭環境都OK，所以就入咗去啦。佢有lunch set嘅，我同朋友每人叫咗個意粉，分別係義式肉丸肉醬意粉同埋牛肝菌汁牛柳粒焗意粉。個肉醬意粉蕃茄味好濃，有粒粒車厘茄，肉丸同意粉數量都幾多，一定係健康之選。我叫嘅牛肝菌汁焗意粉既牛柳粒都淋嘅，有濃濃既牛肝菌味，意粉份量好多啊食到好飽。我哋兩個都叫咗杯朱古力，個朱古力上面有好多奶泡確實係用心製作，都夠朱古力味不過就甜咗少少。最後我哋兩個人share左一個檸檬芝士蛋糕，個蛋糕就有驚喜嘅，佢因為檸檬有小小酸，但芝士味都幾重同埋佢有特登整個消化餅餅底！個蛋糕都好軟滑。