ZENTRO EAST (已易手) 新餐廳

今日係情人節，即使係午餐時段均已滿座，我同同事兩個人十二點係利園搵左幾間都無位，決定去利園三期睇睇，因為三期人流一般無咁多。行到二樓竟然見到盡頭有間餐廳係有陽光普照，微風輕吹，最重要係仲有幾多位。一於入去睇下，試下。佢有小陽台，望向見到 haven street 到 PLK orphanage. 今日又有陽光，係幾舒服。第一個跟餐沙律，啲沙律菜幾爽脆新鮮，配微酸的 dressing. 無期望反而有驚喜。再來就係蘑菇湯，朋友覺得蘑菇味幾濃郁，好鍾意。第二個驚喜係個湯 size 好粥咁，又杰，其實食完已經飽左。通常都係跟湯或沙律，呢間係兩樣都俾，再跟個 fresh orange juice. 算係 generous portion. 主菜點左 Angus beef. Medium rare. 呢個算係一般，雖然個份量又係勁大，但都幾多脂肪同筋。60分。最後朋友點了咖哩雞，是佢最愛的 Japanese curry. 個汁比一般的浠，比較watery ，不過都夠味，雞肉質都ok. 總結係前菜好食過主菜，有小驚喜，適合大胃王。