牧羊少年咖啡館 (香港單車館) (已結業)

星期日朝早，同小朋友去公園玩完，大家全身濕哂，因為天氣好熱，諗住近近地，一行5人連埋小朋友，就選擇左牧羊少年咖啡館，都未入到去，咁岩見到有班人向度慶祝生日，不過佢地坐向中間長檯，咁推住bb車，同帶眼鏡長頭髮既待應小姐講: “5位“佢望一望入面，同我地講：“冇位“，(入面咁多位，點解話冇位？)我地指住入面，好有禮貌地問佢：“part埋側邊個两張,得唔得？“佢即刻拒絕：“唔得“我先生就行入去餐廳，望下仲有冇其他位，的確，得返側邊有吉檯，好，再三問多次女待應，今次佢問埋阿經理，佢回覆係：“ok, 但只此一次“食餐飯，明明大把位，要問足三次先俾入，仲要俾說話我地聽，其實我唔知係咪，因為我地有bb車，佢擺明唔想做小朋友生意定係其他原因，(bb車大不了放向門口)一行5人，全身濕哂，向門口搞左勁耐，換黎一句“只此一次“，好似求佢地咁，我地最後決定走，去其他地方。之前星期六都試過佢地食物，cp值唔高，set lunch $98-150都有，但質素只屬茶餐廳水平，白咖哩豬扒飯$108，肉醬意粉$98, 服務更加唔洗講，接近零。如果唔喺因為近公園，都唔會選擇佢。