阿四車仔麵 (已結業)

食得車仔麪多數就唔會要求環境，因為好多面檔大多係好逼，亦唔會有咩裝修。但阿四就唔得，有裝修且枱與枱之間都隔得開，唔係侍應都要就住行個種，所以整體比我感覺好舒服乾淨。 餐牌上面有好多野食揀，唔止傳統既餸，仲有額外既日式小食同埋飯揀。如果唔想食面，仲可以食下港式小食，都好多選擇下。 我地叫左碗仔翅、生菜，碗仔翅好食，值得一讚下會連埋紅醋一齊上，唔洗自己再叫 車仔麵就叫左兩碗，我覺得味道都幾好食，蘿蔔清甜。瑞士雞翼好食，不過正常好少難食。整體上都唔錯，加上環境舒服，價錢合理，會再去一試。