日本野 (已結業)

旺角色市林立，選擇好多，我哋今次目標都係打算選擇一間環境安靜嘅餐廳傾下計。依間頗算合心水。我哋一共叫咗兩個晚市定食餐，每個餐都有跟沙律或者湯仲有杯嘢飲，仲可以以優惠價錢加配小食，今次我哋選擇加多個壽司拼盤。吉列豬扒飯有兩塊豬扒都幾多，口感鬆軟，肉汁亦都飽滿，加埋溫泉蛋拌飯，成件事好恰到好處。完全唔似其他餐廳咁乾柴柴。真係幾值得得食。蹀魚起碼都四五塊，一咬落去成口油，海膽都有兩大舊，仲有啲三文魚子，真係好多餸，唔會話好多飯好少餸。另外仲跟咗個蟹子沙律。柚子蜜雞翼側邊有啲菜，等你食炸野都唔會覺好油。鰻魚玉子燒好厚實，好飽。壽司性價比頗高。