小茶角 (Wetland Seasons Bay)

營業中

休息中

去完濕地公園，係附近搵野食餐肚。估唔到附近有幾間餐廳，環境都唔錯，仲有戶外用餐位置，最岩而家天氣涼涼地。揀左呢間食西餐，店內環境有D特色，牆上掛滿卡通珍珠奶茶掛畫，好可愛，仲有一個小小既corner擺放住Mirror 既相。店內除左有兒童餐供應，仲有家庭餐供應，家庭餐超豐富，仲包埋小食、甜品，$288，一家四口都相信夠食。兒童餐有兩款，包左主食、小食、沙律同飲品，$55。11點至3點有午餐供應，可半價加配飲品。紐西蘭牛肉眼扒 8oz ，$158， 配埋沙律同超多炸薯角。甜品相當吸引，蕉糖香蕉窩夫，$68，窩夫鬆脆，香蕉香甜蕉香，配上雲呢拿雪糕同蕉糖漿，冰火交融，衝擊味蕾。食物全部即整，但都算上菜快。