Give Me 5 (已結業)

家人揾到Give Me 5同媽咪慶祝母親節。餐廳係半自助餐型式，凍海鮮，沙律，燒烤吧及甜品自助，而主菜就直接向侍應點餐。- 凍海鮮雖然並無生蠔，選擇都算OK。- 沙律吧較為普通。- 燒烤吧唔係即時烹調，放得太耐凍咗。另外菠蘿無晒，要食就要等職員得閒燒，並唔係同佢講就即時做。- 主菜可以keep住落，味道OK, 不過食牛扒就要補錢，而質素就普通。如果目標為多元化食物及優質的半自助餐，Give Me 5絕對並唔係最佳的選擇。如果目標為揾一個舒適的地方，一家人一齊食餐飯，無需要食到好趕，咁基本上除咗燒烤部分要等先有 (例如係菠蘿), 其他的食物都係隨時供應。食物種類雖然並非太多，但整體食物的質素合格。