甜記餃子

營業中

休息中

今日一心想去太子某餃子店食餃子，未去門口已經見到一大班大响度等😰。天氣又熱，我又唔想等，只好响附近兜個圈睇下有咩食，行行下見到呢間甜記餃子，門面幾靚又未食過，就入去試下啦。店舖門面裝修帶日式風格，店內裝修都係以簡約日風為主，枱與枱嘅空間感十足。睇過餐牌價錢一啲都唔貴，而且同一價錢可以點選唔同口味嘅餃。我點咗京蔥羊肉湯餃10隻 $48.- (雞湯底)餃子粒粒飽滿，京蔥同羊肉比例啱啱好，味道融和冇乜騷味，有淡淡嘅內香味又夠juicy。湯底味道比較清淡，於是我加咗2匙羹辣菜脯，嘩！味道當堂提升咗2倍😂，菜脯本身非常好食又夠辣，呢個有啲驚喜。