川琦台日料理 (已結業)

星期日周圍都多人,想搵個無咁多人嘅地方行下,去左新屯中,行行下經過川琦,見假日都有下午茶餐,而且價錢都算平,咁就入去試下。-黑醋煙鴨胸炒烏冬,黑醋好少,味道唔夠,鴨胸味道剛好。-迷你鰻魚飯真係好迷你,份量少而且鰻魚有骨,失望。-八爪魚丸幾好味,味道夠,木魚多。-台式炸豆腐唔會太油,不過醬汁比較鹹,不過不失。-珍珠奶茶珍珠軟硬適中,但奶茶太多奶,味道可以接受。-總括黎講,主食普普通通,反而小食有驚喜。