影片
更多
2016-02-11
1916 瀏覽
朋友請食生日飯，其實一早都想一試Jamie的菜式，今次到訪適逢新春期間，所以有特別Chinese New Year既Menu，例如蒸爐魚。但我地想試既係佢既意大利菜，所以Chinese Menu都係擺埋一邊。侍應細心，每人一份Menu，價錢算中等，今次只叫野食，飲品留下次。頭盤: 炸魷魚 : 一道好地道的意式頭盤，一般都會加入香草提升鮮味。Jamie既炸魷魚有分一份定半份，上菜時才驚覺份量唔算多，因為係炸物，所以都會一塊接住一塊咁食，呢度全份大概有20塊，全部人爭住食。魷魚表面無油，炸得乾身，食得出魷魚夠新鮮，配合個醬，味道即時提升，外皮不致於脆到薯片咁，但就係食完唔會成口油，脆脆地，內裡魷魚肉夠滑，好味！配菜:松露油薯條: 粗薯條，口感已勝一籌，食得到松露油淡淡既味道，食完有點after taste ，可惜落油時不夠平均，不是每條都可以點到油份。除左松露油，上面還配上刨絲芝士，薯條脆口，內裡薯蓉軟糯，只是份量不多，要食得有點克制。Pizza:Hong Kong Hot: 餅底烤得脆口，而且有麵粉香，而且有咬口，不是工味的脆，茄醬夠鮮味，不會過酸，配上水牛芝士和Basil，再加上微辣，
但我地想試既係佢既意大利菜，所以Chinese Menu都係擺埋一邊。
侍應細心，每人一份Menu，價錢算中等，今次只叫野食，飲品留下次。
頭盤:
炸魷魚 : 一道好地道的意式頭盤，一般都會加入香草提升鮮味。Jamie既炸魷魚有分一份定半份，上菜時才驚覺份量唔算多，因為係炸物，所以都會一塊接住一塊咁食，呢度全份大概有20塊，全部人爭住食。魷魚表面無油，炸得乾身，食得出魷魚夠新鮮，配合個醬，味道即時提升，外皮不致於脆到薯片咁，但就係食完唔會成口油，脆脆地，內裡魷魚肉夠滑，好味！
配菜:
松露油薯條: 粗薯條，口感已勝一籌，食得到松露油淡淡既味道，食完有點after taste ，可惜落油時不夠平均，不是每條都可以點到油份。除左松露油，上面還配上刨絲芝士，薯條脆口，內裡薯蓉軟糯，只是份量不多，要食得有點克制。
Pizza:
Hong Kong Hot: 餅底烤得脆口，而且有麵粉香，而且有咬口，不是工味的脆，茄醬夠鮮味，不會過酸，配上水牛芝士和Basil，再加上微辣，Pizza越簡單越好味，雖然配料不多，但卻互相配合，一塊8件，好快又KO了。
漢堡包:
煙肉芝士漢堡: 包烘過，內脆外軟，包身不會一按即扁。包內有烤到脆片般的煙肉、2大片青瓜、芝士和燒過既紅椒，牛肉烤得剛好，肉不死實，肉汁仍在。集酸、辣、濃和牛香的漢堡，味道交雜，雖然有點小貴，但都值得一試。
意粉:
青口墨魚汁麵:沒有太大墨魚汁味，意粉有點硬，但可接受，反而青口不會over cook，剛剛好，Menu說明有慢住魷魚，卻不太覺得存在。整體味道偏淡，雖然已用墨魚汁麵，但都提不起味道。
Brownie: Dessert叫左Brownie, 但頗硬，唔太甜，雖然配了雪糕同食，但都不見得可口，非常普通。
題外話/補充資料：
一早已落order甜品上寫字，上菜時卻沒有做到，要在壽星女面前提醒，才唔好意思地拎回去，有點掃興，但侍應有禮，而且有BB椅和小朋友Menu，頗細心。
(以上食評乃用戶個人意見 , 並不代表OpenRice之觀點。)
張貼
