影片
更多
2023-04-07
16 瀏覽
約咗朋友嚟土瓜灣一聚，順便去「啟岸巷子」行下。整個商場都佈置得美輪美奐，以日式設計為主，巷子充滿和風色彩，非常適合同朋友嚟影相打卡。逛完又係時間食晏，揀咗一樓呢間「WM Café & Bar」。餐廳環境寬敞，坐位空間闊落，店內佈置優雅，紅磚牆身配以一室歐陸設計，清新中帶 Vintage。餐廳提供不同西式輕食，如牛角包、漢堡、意粉等，另外亦有一系列特色甜品，如吐司新地、窩夫、心太軟等可供選擇。我哋點咗薄餅同意粉，一於留肚食甜品。珍寶日本帶子巴馬火腿卡邦尼煙肉意大利粉 ($98) 帶子煎得非常香口，大大粒，勁厚肉，外表色澤金黃，內裡半熟而嫩，入口味道很鮮甜。巴馬火腿肉質柔軟、甘甜芳香，味道細緻。意粉火候恰到好處，煙韌又不過腍，醬汁有濃郁芝士味，加埋鹹香嘅煙肉，真係冇得輸！牛油果醬大蝦雞肉薄餅 ($138) Pizza 薄身香脆，有啲似食緊 Nachos，大蝦同慢煮雞肉都好足料，加上餅底鋪咗大量餐廳自家牛油果醬，味道好清新，香軟口感，為整個薄餅增色不少，非常滋味！甜品時間，點咗英式窩夫配雪糕及香蕉朱古力 ($68) 同 2 件餐廳自家製蛋糕 ($38@)。窩夫蛋味幾香，薄身鬆脆，香蕉淋上
約咗朋友嚟土瓜灣一聚，順便去「啟岸巷子」行下。整個商場都佈置得美輪美奐，以日式設計為主，巷子充滿和風色彩，非常適合同朋友嚟影相打卡。
逛完又係時間食晏，揀咗一樓呢間「WM Café & Bar」。餐廳環境寬敞，坐位空間闊落，店內佈置優雅，紅磚牆身配以一室歐陸設計，清新中帶 Vintage。
餐廳提供不同西式輕食，如牛角包、漢堡、意粉等，另外亦有一系列特色甜品，如吐司新地、窩夫、心太軟等可供選擇。我哋點咗薄餅同意粉，一於留肚食甜品。
珍寶日本帶子巴馬火腿卡邦尼煙肉意大利粉 ($98) 帶子煎得非常香口，大大粒，勁厚肉，外表色澤金黃，內裡半熟而嫩，入口味道很鮮甜。
巴馬火腿肉質柔軟、甘甜芳香，味道細緻。意粉火候恰到好處，煙韌又不過腍，醬汁有濃郁芝士味，加埋鹹香嘅煙肉，真係冇得輸！
牛油果醬大蝦雞肉薄餅 ($138) Pizza 薄身香脆，有啲似食緊 Nachos，大蝦同慢煮雞肉都好足料，加上餅底鋪咗大量餐廳自家牛油果醬，味道好清新，香軟口感，為整個薄餅增色不少，非常滋味！
甜品時間，點咗英式窩夫配雪糕及香蕉朱古力 ($68) 同 2 件餐廳自家製蛋糕 ($38@)。窩夫蛋味幾香，薄身鬆脆，香蕉淋上朱古力醬，配雲呢拿同朱古力雪糕吃，透心涼。
巴斯克芝士蛋糕外表焦黑，完美演繹出 Burnt Cheesecake 應有嘅模樣，食落口感 好 Creamy，輕盈軟綿。
士多啤梨芝士蛋糕味道亦非常正，餅底脆口、糕身鬆軟不膩，蛋糕上層嘅草莓醬甜美可口，同芝士蛋糕好夾。
飲品點咗紅莓汁 ($20) 同 即磨咖啡 ($30)，紅莓汁酸甜適中，咖啡也很香濃，不錯。
張貼
