日喜樓 (已結業)

見網上好多宣傳呢間叫日喜樓嘅上海菜，本身好想試下勁出名嘅百碟宴，但要十幾個人先食到，反正黎到，我地一行四人就試下其他小菜。🤣🤣🤣爆汁牛肉餡餅佢同九龍城果款清真口味唔同，多左好多中式嘅香料味，皮脆多汁，牛肉味亦好重但不so，岩哂中意食牛肉嘅我地！🤪羅春閣爆汁生煎包呢個用左個生鐵小鍋上菜，令到生煎包底部保持熱度，入面又係勁多肉汁，餡料亦相當豐富，啖啖肉！😳日喜灌湯小籠包皮不會太厚，好多湯汁，差啲燙親條脷，湯汁味道清甜，無味精嘅感覺，成隻小籠包嘅比例都好平均！😆茶樹菇金菇高湯翡翠苗本身勁中意食菇菌類，所以立即叫左呢道餸，呢個最正嘅係佢嘅高湯，好清新，加上本身爽脆嘅翡翠苗，感覺好清新！😘💓北京填鴨呢個係日喜樓嘅主打菜，烤鴨會係廚房切好端出黎，面皮薄薄的，下面用蠟燭台熱住，鴨味不會太so，溫度剛剛好，亦不會太油膩，真係唔錯，果然係主打菜！😎四川擔擔面起初見湯底不稠，有啲擔心唔多濃味，點知花生味勁重，又帶有少少微辣，面條真係好有驚喜，勁有咬口，唔會似出果啲咁軟身！😜