Ember (已結業)

銅鑼灣係香港消費嘅中心地帶, 放左工約埋朋友飲杯野, 食個飯, Ember係我嘅首選, 餐廳有特色嘅裝修, 樓底高, 光線柔和, 座位闊落舒適, 夜晚9點後更加有 live band, 喺喧鬧的城市中,呢度係令人感到身心都可以放鬆嘅一個地方, 而且有特式嘅飲品同美味嘅食物, 真係三五知己聚腳嘅好選擇👍🏻Music Tower賣相特別吸引, 用芒果糖漿, 新鮮菠蘿汁同檸檬汁混合, 飲用時將上面嘅新鮮菠蘿條放落去飲品內, 中和甜味, 甜酸味啱啱好, 特別好飲😛Pop Punch奇異果, 青瓜混合青檸汁同梳打水, 味道清新, 透著青瓜的清甜, 女士都特別喜愛😍魷魚燒南瓜法邊豆粟米黃金意大利飯伴香煎北海道帶子意大利飯煮得軟硬適中, 飯嘅醬汁有鹹蛋黃同南瓜煮成, 特別惹味, 帶子好大隻同新鮮, 兩邊煎得微微金黃內裡又唔會過熟, 真係好鮮味🤤吉列西班牙黑毛豬柳黑松露炒滑蛋漢堡伴薯條黑色漢堡好特別, 口感軟熟富彈性, 吉列黑毛豬香脆可口, 肉汁豐富, 炒蛋好滑帶著黑松露獨特嘅香味, 幾樣加埋, 令呢個漢堡味道豐富, 薯條係厚切㗎, 外脆內軟, 好好味呀👏🏻