海圖 (已結業)

因為staycation嘅關係，所以喺屯門搵食，聽朋友講虹橋附近有好多餐廳，果一晚我哋係星期六夜晚黑七點幾鐘，見到好多餐廳都要排隊，然後見到海圖有位，環境都幾舒適，於是就入去試吓。我哋叫咗一個全日早餐和鏗魚柳蕃茄汁配牛柳粒意粉，意粉上枱個碟都幾靚，亦都有啲沙律菜伴碟，牛柳粒分量多，意粉唔淋。另一個全日早餐都好大份，蜜糖薯角好好食，牛角包係暖暖的，火腿和香草腸都煎得剛剛好，配上沙律，醋味酸酸的好開胃，又唔會好熱氣。我仲叫咗杯凍朱古力，賣相都好靚，朱古力味濃。因為座位不多，環境舒適，我和朋友都享受左寧靜的一個晚上。